Bu rayonların bəzi əraziləri qazsız qalacaq
Zaqatala rayonunun bir sıra küçələrində də qaz təchizatı müvəqqəti dayandırılacaq.
"Ölkə.az" xəbər verir ki, bu barədə Zaqatala Regional Qaz İstismar İdarəsi məlumat yayıb.
Bildirilib ki, təmir-quraşdırma işlərinin aparılması ilə əlaqədar iyunun 19-da saat 09:00-dan işlər yekunlaşanadək rayonun N.Nərimanov, Ü.Hacıbəyov, G.Kərimova, M.Əzizbəyov, Tağıyev və 28 May küçələrinin qaz təchizatında müvəqqəti fasilə yaranacaq.
Salyan Regional Qaz İstismarı İdarəsi yaydığı məlumatda isə qeyd olunub ki, payız-qış mövsümünə hazırlıq işlərinin aparılması ilə əlaqədar iyunun 19-da saat 11:00-dan işlər başa çatanadək Neftçalanın Beşdəli, Cəngən, Ərəbqardaşbəyli, Pirəbbə, 2-ci Qaralı və Yuxarı Qaraimanlı kəndlərinin qaz təchizatında fasilə yaranacaq.
Qazın verilişi aparılan işlər yekunlaşdıqdan sonra bərpa olunacaq.
