Yumurta bu səbəbdən kəskin ucuzlaşıb - AÇIQLAMA

Bunu Ölkə.az-a açqılamasında “Azərbaycan Quş əti, Yumurta İstehsalçıları və İxracatçıları Assosiasiyası” İctimai Birliyinin sədri Mürvət Həsənli yumurtanın kəskin ucuzlaşmasından danışarkən deyib.

Onun fikrincə, yaxın bir həftə ərzində qiymət normallaşacaq:

“Hazırda yumurta bolluğu çoxdur. Məhsul bəzi marketlərdə bir qəpiyə təklif olunur. Bəzi marketlərdə isə hətta pulsuz verilir. Amma həmişə belə satıla bilməz. Çünki pulsuz olanda vergi və digər məsələlər rəsmiləşdirilə bilmir. Yəqin ki, yaxın günlərdə qiymət sabitləşəcək”.

M.Həsənlinin sözlərinə görə, hazırda kənd yumurtasının qiyməti 25-30 qəpik civarındadır:

“Amma kənd yumurtası ümumi yumurta istehsalının çox kiçik bir faizini təşkil etdiyinə görə onunla bağlı rəy bildirmək bir az çətindir. Hazırda gündəlik kənd yumurtası istehsalı 300-320 min ədəd təşkil edir. Süfrə yumurtasının istehsalı isə təxminən 6 milyon ədədin üzərindədir”.

Həmidə İbrahimova