Özü kaska taxdı, azyaşlını təhlükəyə atdı – ANBAAN VİDEO 

Bakıda motosiklet sürücüsü azyaşlı qızın həyatını təhlükəyə atıb. 

Ölkə.az xəbər verir ki, hadisə aeroport yolunda qeydə alınıb. 

Bununla bağlı görüntülər sosial şəbəkələrdə yayılıb. Videodan məlum olur ki, sürücünün özünün kaskası var, amma motosikletin arxa hissəsində oturan uşaqla bağlı heç bir təhlükəsizlik tədbiri görülməyib, onun kəməri və başında kaskası yoxdur.  

Bundan başqa, kimliyi məlum olmayan sürücü nəqliyyat vasitəsini yüksək sürətlə idarə edir, yolda təhlükəli manevrlər törədir. 

Onun hərəkətləri digər sürücülərin narazılığına səbəb olub. Hadisəni videoya şəkən şəxs sürücüyə etiraz edib, uşağı təhlükəyə atmamağa çağırıb: 

“Belə olmaz, saga, sola hərəkət edirsən, əlini qaldırıb, buraxırsan. Bu nə məsuliyyətsizlikdi... Qızın 10 yaşı var ya yox. Uşaqdı da. Allah iraq eləsin…”.

Lakin o, bütün bunlara əhəmiyyət verməyib və yoluna davam edib.  

Həmidə İbrahimova