Onlara AZCON-da yüksək vəzifə verildi
Azərbaycan Nəqliyyat və Kommunikasiya Holdinqində (AZCON) İnsan resursları üzrə direktor və Keyfiyyətin idarə olunması və ESG şöbəsinin rəhbəri vəzifələrinə təyinatlar olub.
Ölkə.az-ın Plat.az-a istinadən məlumatına görə, Elnur Hüseynov Holdinqin İnsan resursları üzrə direktoru təyin edilib.
AZCON-da Keyfiyyətin idarə olunması və ESG şöbəsininin rəhbəri vəzifəsi isə Mədinə Cəfərliyə həvalə olunub.
Qeyd edək ki, E.Hüseynov bundan öncə Dövlət Neft Şirkətində (SOCAR) İnsan kapitalının inkişafı və funksional təkminləşdirmə departamentinin rəhbəri, M. Cəfərli isə Azərbaycan-Fransa Ticarət Palatasında ESG Komitəsinin sədri olub.
Məlumat üçün deyək ki, AZCON 2024-cü ilin noyabr ayında yaradılıb. Holdinqin icraçı direktoru Şahin Babayevdir.
