Onlar elmlər doktorudur, amma orta məktəbdə dərs deyirlər
Azərbaycanda hazırda dövlət ümumtəhsil məktəblərində çalışan və doktorantura səviyyəsində ali təhsili olan işçilərin sayı 108 nəfərdir.
Ölkə.az xəbər verir ki, bu barədə "Azərbaycan müəllimi"nin sorğusuna cavab olaraq Elm və Təhsil Nazirliyindən bildirilib.
Məlumata görə, doktorantura təhsili almış işçilərin 103 nəfəri fəlsəfə doktoru, 5 nəfəri isə elmlər doktoru proqramlarını bitirib.
Həmçinin bildirilib ki, doktorantura təhsili almış işçilərin daha çoxu müəllim kimi çalışırlar.
