Şəhid əmanətləri razı qaldılar - VİDEO
“Zəfər” Şəhid Ailələrinə Dəstək İctimai Birliyinin təşkilatçılığı ilə Almaniyanın paytaxtı Berlində şəhid övladlarının iştirakı ilə “Əmanətə Sədaqət” yay düşərgəsi keçirilib.
Ölkə.az xəbər verir ki, iyulun 2-9-da təşkil olunan düşərgədə yerli və xarici universitetlərdə təhsil alan, yüksək akademik göstəricilərə malik 23 şəhid övladı iştirak edib.
Bir həftə davam edən düşərgə çərçivəsində iştirakçılar Almaniyanın tarixi, mədəni və elmi həyatı ilə yaxından tanış olmaq imkanı əldə ediblər.
Düşərgənin keçirilməsinə dəstək göstərən qurumlar arasında Azərbaycan Respublikasının Diasporla İş üzrə Dövlət Komitəsinin tabeliyindəki Azərbaycan Diasporuna Dəstək Fondu da olub.
Xatırladaq ki, Azərbaycan Diasporuna Dəstək Fondu şəhid övladları ilə bağlı bir-sıra layihələrin həyata keçirilməsində iştirak edir.
