Dövlət Xidmətindən istilərlə bağlı VACİB XƏBƏRDARLIQ

Bu barədə Ölkə.az-ın sorğusuna cavab olaraq Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətindən bildirilib.

Qeyd olunub ki, fasilələr iş vaxtına daxil edilir və bu fasilələr zamanı əmək haqqı işçilərin tarif maaşına görə ödənilir.

“Həmçinin, işəgötürən isti sexlərdə çalışan işçilərin istirahəti üçün otaqlar hazırlamalıdır. İş dayandırıldıqda, boşdayanma vaxtının haqqı işçinin təqsiri üzündən baş verməyən boşdayanma kimi, tarif maaşının üçdə iki hissəsindən az olmayaraq ödənilir.

İşlərin dayandırılması və fasilələr verilməsi, habelə bu fasilələrin sayının və müddətinin müəyyən edilməsi işəgötürənlə həmkarlar ittifaqları təşkilatının birgə qərarı ilə həyata keçirilir”, - qurumdan qeyd olunub.

Bildirilib ki, ilin isti vaxtlarında işçilər üçün qanunvericiliklə müəyyən edilmiş təminatların yerinə yetirilməsi ilə bağlı Dövlət Əmək Müfəttişliyi Xidməti tərəfindən işəgötürənlərə kütləvi informasiya vasitələri, Xidmətin rəsmi internet səhifəsi, sosial media platformaları, habelə maarifləndirici seminar və təlimlər vasitəsilə mütəmadi olaraq məlumat verilir.

Qeyd edək ki, iyulun 15-də Azərbaycanın bəzi yerlərində 40 dərəcə isti olacaq.

Həmidə İbrahimova