Şirkət Taleh Yüzbəyovun qalmaqallı videosunu sildi - Aktyor yenidən paylaşdı
Aktyor Taleh Yüzbəyovun çəkildiyi dondurma reklamı ilə bağlı qalmaqal böyüyür.
Ölkə.az xəbər verir ki, onun “Almond Cake & Bakery” ilə etdiyi əməkdaşlıq videosu çoxsaylı tənqidlərə məruz qalıb.
Reklamın ssenarisi bəzi qadın izləyicilər tərəfindən tənqid edilib. Onlar çarxda qadın obrazının təqdimatını və verilən mesajı birmənalı qarşılamayıblar. Bundan sonra şirkət hesabında paylaşdığı videonu silib.
Lakin T.Yüzbəyov videonu yenidən sosial şəbəkə hesabında paylaşıb.
“Şirkətin istəyi üzərinə videonun tam versiyası onların səhifəsindən qaldırıldı. Reklamsız versiyası burdadır. İstədiyiniz qədər baxıb, bəyənib və bəyənməyə bilərsiniz. Reklamlar bitdi, seyrə davam. Bu haqda bu gün ətraflı danışacam”, - o bildirib.
