"Dr.Gülü"nün macəraları bitmir - Bu dəfə qadının...

Ölkə.az-ın xəbərinə görə, sosial şəbəkələrdə onun yeni videosu yayılıb.

Məlumata görə, görüntülər Bakıda fəaliyyət göstərən "Billur Estetik” Mərkəzində çəkilib. "Dr.Gülü" kimliyi açıqlanmayan qadını bədən şəkilləndirmə əməliyyatı edir. Görüntülərdən məlum olur ki, pasiyent narkoz altındadır. Belə bir vəziyyətdə Gülbədə Abdullayeva qadının bədəni ilə nalayiq və təhqiramiz hərəkətlər edir. Başqa bir şəxs isə bu prosesi videoya çəkir. 

Görüntülər çox açıq-saçıq və təhqiramiz olduğuna görə onu təqdim edə bilmirik. 

Qeyd edək ki, ötən gün sosial şəbəkələrdə "Dr.Gülü"nün Bakıda fəaliyyət göstərən klinikalardan birində antisanitar mühitdə liposaksiya (piysovurma) əməliyyatı icra etməsinin görüntüləri yayılıb.

Bu gün Baş Prokurorluq və Səhiyyə Nazirliyinin Analitik Ekspertiza Mərkəzi məsələ ilə bağlı açıqlama yayıb. 

Mərkəzin məlumatına görə, aparılan araşdırmalar nəticəsində müəyyən edilib ki, Gülbədə Abdullayevanın ali və ya orta tibb təhsili yoxdur və uyğun olaraq da “Vahid Səhiyyə İnformasiya Sistemi”ndə tibb işçisi kimi qeydiyyatda deyil:

“Vətəndaş müraciəti əsasında cari ilin may ayında fərdi sahibkar Abdullayeva Gülbədə Əliqismət qızı, eləcə də onunla əməkdaşlıq edən şəxs barəsində Analitik Ekspertiza Mərkəzi tərəfindən qanunvericiliyə uyğun inzibati tədbirlər görülüb, İnzibati Xətalar Məcəlləsinin müvafiq maddələri üzrə inzibati xəta haqqında protokollar tərtib edilərək aidiyyəti üzrə növbəti icraata göndərilib.

Bundan əlavə, xidməti araşdırmanın nəticələrinə əsasən, fərdi sahibkar Abdullayeva Gülbədə Əliqismət qızının qanunsuz özəl tibb fəaliyyətinin dayandırılması məqsədilə hüquq-mühafizə orqanları qarşısında müvafiq vəsatətin qaldırılması məqsədilə təqdimat yazılaraq növbəti icraata göndərilib. Öz növbəsində bu məsələ ilə bağlı müvafiq tədbirlərin görülməsi üçün Səhiyyə Nazirliyi tərəfindən prokurorluq orqanlarına müraciət edilib"