Hikmət Hacıyev Tural Sadıqlının dərsini verdi - VİDEO

Ölkə.az xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Avropada yaşayan azərbaycanlı, “Azad söz” kanalının rəhbəri Tural Sadıqlıya cavabına deyib.

H.Hacıyev bildirib ki, Azərbaycan mediasını izləyir və ölkədə peşəkar mətbuat var:

“Ancaq mən sizə bir söz deyim, həyatda ən çətin şey vətənə xəyanət etməkdir, dövlətinə xəyanət etməkdir. Səmimi deyirəm, o statusda yaşayan insanlara yazığım gəlir. Düzdür, Allahın yazığı gəlsin. Amma mən bunu bir bədbəxtçilik sayıram”.

H.Hacıyev T.Sadıqlının erməni separatçılarına verdiyi dəstəyi üzünə çırpıb. 

Qeyd edək ki, H.Hacıyev Almaniyada rəsmi səfərdə olan Azərbaycan Prezidenti İlham Əliyevi müşaiyət edir. Bu dialoq da iyulun 21-də Berlində baş verib. T.Sadıqlı Azərbaycan lideri və Almaniya Prezidenti Frank-Valter Ştaynmayer arasında görüş keçirilən “Villa Borsig” iqamətgahının qarşısına gəlib.

Xatırladaq ki, Tural Sadıqlı Azərbaycan Cinayət Məcəlləsinin dələduzluq, terrora açıq çağırışlar və başqa maddələri ilə cinayət məsuliyyətinə cəlb edilib. O, prokurorluğun rəsmi çağırışlarına gəlmədiyi üçün iş materialları qiyabi icraatda baxılması üçün məhkəməyə göndərilib. Bakı Ağır Cinayətlər Məhkəməsinin hökmü ilə T.Sadıqlı verilmiş ittihamlarla təqsirli bilinib. Ona 14 il müddətinə qiyabi azadlıqdan məhrumetmə cəzası verilib.

Daha ətraflı videoda