Bu ölkədə 15 yaşdan kiçik uşaqların sosial mediadan istifadəsi qadağan ediləcək
Ölkə.az AFP-yə istinadən xəbər verir ki, Fransa Milli Məclisinin 279 üzvü lehinə, 81 üzvü isə əleyhinə səs verib. Qanun layihəsi əvvəllər parlamentin digər palatası olan Senat tərəfindən təsdiqlənib. İndi Konstitusiya Şurası tərəfindən təsdiqlənməli və daha sonra prezident tərəfindən imzalanmalıdır.
Bu tədbirin qatı tərəfdarı olan Prezident Emmanuel Makron, bunun yeni tədris ilindən etibarən qüvvəyə minəcəyinə ümid etdiyini bildirib. Bununla da Fransa belə bir qadağanı qanunla tətbiq edən ilk Aİ ölkəsi olacaq.
Qeyd edək ki, Yunanıstan və İspaniya da daxil olmaqla, digər Aİ ölkələri də uşaqların sosial mediaya çıxışını qadağan etməyi planlaşdırır. Oxşar məhdudiyyətlər Aİ səviyyəsində də müzakirə olunur, lakin hələlik heç bir qərar qəbul edilməyib. Avstraliya dünyada 16 yaşdan kiçik uşaqların sosial mediada qeydiyyatdan keçməsini qadağan edən ilk ölkədir. Böyük Britaniya ilin sonuna qədər oxşar qanun qəbul etməyi planlaşdırır.
Mürtəza
