56 il soyadsız qalan azərbaycanlı

 

Ölkə.Az anspress-ə istinadən xəbər verir ki, 1957-ci il təvəllüdlü Azərbaycan vətəndaşı Etibar 56 il  soyadsız yaşayıb. Amma vərəsəlik hüququnu rəsmiləşdirmək istəyəndə o problemlərlə üzləşib. 

 

Rusiya qəzetinin məlumatına əsasən, azərbaycanlının valideynləri  çox az rast gəlinən milli  ənənəyə uyğun olaraq ona öz soyadlarını verməyiblər. Bakıda ona doğum haqqında şəhadətnamə , 20 ildən sonra isə rayon hərbi komissarlığından hərbi bilet təqdim olunub.  Daha sonra Murmanska gələn azərbaycanlı  2003-cü ildə  Rusiya Federasiyasının vətəndaş pasportuna sahib olur. Onun xarici pasportunda da həmin şəxsin soyadı haqqında heç bir məlumat yoxdur.

 

İddiaçı yalnız 2013-cü ildə həyat yoldaşı dünyasını dəyişdikdən sonra  ona mənzil və əmanət qoyduğuna görə  soyadının olmaması səbəbindən  problemlərlə üzləşib.  

 

"Notarius hesab edir ki, pasportda və nikah haqqında şəhadətnamədə şəxsin soyadı olmadığına görə , bu sənədlər mövcud qanunvericiliyə uyğun gəlmir. Ona görə də , iddiaçı  məhkəməyə müraciət etməyə məcbur olub. "-deyə rayon məhkəməsinin sədrinin köməkçisi Olqa Kotova məlumat verib.

 

Məhkəmə isə soyadı olmayan şəxsi müdafiə edib. Belə ki, məhkəmə uşaq hüquqları haqqında konvensiyaya əsaslanaraq belə qərar verib. Həmin sənədə əsasən bu konvensiyaya qoşulan və uşaq hüquqlarının müdafiə edən dövlətlər həmin şəxslərin vətəndaşlığı , adı , soyadı və digər məlumatlarının fərdiliyini saxlamalıdır.