Atəşkəsi pozan düşmənin daha bir əsgəri məhv edildi
Azərbaycanın işğal olunmuş torpaqlarında yerləşən erməni silahlı birləşmələri atəşkəsi pozmaqda davam edirlər.
Ölkə.Az Müdafiə Nazirliyinin rəsmi məlmatına istinadən xəbər verir ki, dünən gecədən başlayaraq erməni işğalçıları cəbhənin işğal olunmuş Ağdərə rayonu istiqamətindən ordumuzun Tərtərdə yerləşən mövqelərini və Tərtər rayonunun mərkəzini ağır silahlardan atəşə tutublar.
Azərbaycan Silahlı Qüvvələri düşmən təxribatının qarşısını almaq məqsədi ilə işğalçı ordunun mövqelərinə cavab zərbələri endiriblər. Ordumuzun cavab zərbələri nəticəsində düşmənin bir əsgəri məhv edilib və çoxlu sayda əsgəri də yaralanıb.
Ermənistan Müdafiə Nazirliyinin rəsmi məlumatında 1996-cı il təvəllüdlü Ayk Minasyanın məhv edildiyi xəbəri təsdiqlənib.
