Ermənistanda çağırışa möhlət ləğv edilir
Ermənistan hökuməti ali məktəblərdə təhsil ilə əlaqədar orduya çağırış möhlətinin ləğv edilməsi barədə qanun layihəsini parlamentə təqdim etmək niyyətindədir.
Ölkə.Az APA-ya istinadən xəbər verir ki, bu barədə hökumət aparatının rəhbəri David Arutünyan bildirib.
“18 yaşına çatmış şəxslər ordu sıralarına çağırılmalıdır. Bir ay ərzində müvafiq qanun layihəsi parlamentə təqdim ediləcək”, deyə D.Arutünyan parlamentdə çıxış edərkən deyib.
Onun sözlərinə görə, istisnalar yalnız hərbi sənaye ilə əlaqəli ixtisaslara şamil olunacaq.
