Cərimə hansı hərəkət iştirakçısına yazılıb?

Bakıda yol polisi qanunsuz yerdən keçən piyadaya protokol tərtib edib. Amma yazılan protokol piyadalar üçün yox, sürücülər üçün imiş. Piyada bu səbəbdən də ona yazılan cəriməni ödəməkdən imtina edəcəyini deyir. Baş Dövlət Yol Polis İdarəsi məsələyə aydınlıq gətirib.

Ölkə.Az xezerxeber.com-a istinadən bildirir ki, Bakıda piyadaya, sürücülər üçün nəzərdə tutulmuş protokol yazılıb. Şəhər sakini Cəmilə Abbaslı paytaxtın Xətai rayonu Məhəmməd Hadi küçəsində yeraltı keçiddən istifadə etmədiyinə görə polis onu saxlayıb qanunsuz yerdən keçdiyini bildirərək cərimə yazıb.Amma piyada iddia edir ki, ona yazılan cərimə növü qanunsuzdur.

Baş Dövlət Yol Polis İdarəsinin şöbə rəisi Kamran Əliyevin məsələ ilə bağlı onu bildirdi ki, yol polisinin tərtib etdiyi protokolda ümumi yol hərəkət iştrakçıları üçün nəzərdə tutulub. İstər sürücü, istərsədə piyadanın pozduğu qaydanın məzmunu həmin protokolda ayrıca qeyd edilir. Şöbə rəisi onu da bildirdi ki, yaxın vaxtlarda polislə piyada arasındakı bu ziddiyətli məsələ həll olunacaq.

Piyadanın cəriməni ödəməməsi iddiasına gəlincə isə Kamran Əliyev belə olduğu halda məsələnin məhkəmə müstəvisində həll olunacağını deyir.