Azərbaycanda qanvermə aksiyası keçirilir
Bu gün saat 07:00-dan başlayaraq, Azərbaycanda Aşura günü ilə əlaqədar qanvermə aksiyası keçirilir.
Ölkə.Az-ın məlumatına görə, qanvermə ölkə üzrə Səhiyyə Nazirliyinin Mərkəzi Qan Bankından başqa, 14 məsciddə təşkil olunub.
Qanvermə aksiyalarının təşkil olunacağı məscidlərin 8-i Bakıda, 6-sı isə digər rayon və şəhərlərdə yerləşir.
Səhiyyə Nazirliyi Elmi Tədqiqat Transfiziologiya və Hemotalogiya İnstitutunun direktoru Zöhrə Əlimirzəyeva jurnalistlərə açıqlamasında deyib ki, bu gün saat 10:00-a qədər 1000-ə yaxın insan artıq qan verib. Onun sözlərinə görə, qanvermə aksiyası gün ərzində davam etdiriləcək:
“Tədarük olunan qan və qandan hazırlanan preparatlardan hemofiliya və talassemiyalı, həmçinin qana ehtiyacı olan digər xəstələrin müalicəsində istifadə olunacaq”.
Zaur Əziz
Ölkə.Az