Girovlarımızın müdafiəsi üçün nə etməliyik?

Bu gün parlamentdə keçirilən növbəti iclas zamanı girovlarımızla əlaqədar müxtəlif fikirlər səslənib. Müzakirə zamanı millət vəkili İqbal Ağazadənin səsləndirdiyi fikrə Azərbaycan Milli Məclisinin sədr müavini Bahar Muradovadan cavab gəlib.

Ölkə.az hər iki millət vəkilinin bu məsələyə münasibətini öyrənib:

İqbal Ağazadə: "Bu gün onların müdafiəsi üçün vəkillər tutulmalıdır. Mən böyük məmnuniyyətlə girovların müdafiəsini öz üzərimə götürərəm. Avropa təsisatları, beynəlxalq qurumlar köməklik etsə, mən onların müdafiəsinə qalxa bilərəm".

Bahar Muradova: "Əgər biz Dağlıq Qarabağın hazırki rejimini tanımırıqsa, onların fəaliyyətini qeyri-qanuni hesab ediriksə, bütün həyata keçirilmiş təcavüzkarlıq faktlarını, anti-konistitusyon tədbirlər kimi dəyərləndirir, ölkəmizə bunu müharibə aktı kimi səciyyələndiririksə, bu təqdirdə onların məhkəməsinə hüquqi xarakter vermək, oraya Azərbaycandan vəkil ayırmaq Dağlıq Qarabağı tərəfə, və yaxud subyektə çevirir".

Xatırladaq ki, ermənilərin girov götürdüyü azərbaycanlı Şahbaz Quliyev və Dilqəm Əsgərovun hüquqlarının müdafiəsi erməni vəkilə həvalə olunub.

Fatimə İbrahimova
Ölkə.az