Yadigar Sadıqov da müraciət etdi...
Yadigar Sadıqov cəzasının daha yüngül cəza ilə əvəz edilməsi üçün ərizə ilə Qaradağ rayon məhkəməsinə müraciət edib.
Bu gün Yadigar Sadıqovun həbsinin 16 ayı tamam olub. Məhkəmə hökmü ilə Yadigar Sadıqova 4 il iş kəsilib və hal-hazırda 14 saylı CÇM-də saxlanılır.
Ölkə.az xəbər verir ki, CM-nin 77-ci maddəsinə və CİM-nin 19-cu maddəsinə əsasən (1/3) cəzanın çəkilməmiş hissəsinin daha yüngül cəza ilə əvəz edilməsi üçün məhkəməyə müraciət edib. Müraciəti Yadigar Sadıqov vəkili ilə məsləhətləşərək özü hazırlayıb və imzalayib.
Xatırladaq ki, Apellyasiya Məhkəməsində 6 il müddətinə azadlıqdan məhrum edilmiş Müsavat Partiyası sədrinin müşaviri Yadigar Sadıqovun müraciəti əsasında məhkəmə onun şikayətini qismən təmin edib və cəza müddətini 4 ilə qədər azaltmışdı.
Fatimə İbrahimova
Ölkə.az
