Zərdab Rayon Təhsil Şöbəsindən təcavüz iddiaları ilə bağlı
Zərdab Rayon Təhsil Şöbəsi Şahhüseynli kəndində baş vermiş hadisə ilə bağlı monitorinq aparıb.
Ölkə.Az xəbər verir ki, Avropa.info-ya Rayon Təhsil Şöbəsindən verilən məlumata görə hadisədən sonra məsələ ilə bağlı monitorinq aparmaq üçün komissiya yaradılıb.
Aparılan araşdırmalar zamanı məlum olub ki, burada heç bir zorlama faktından söhbət gedə bilməz.
Məsələ sadəcə qısqanclıq zəminində yaranmış yanlış anlaşılmanın nəticəsi olaraq bu həddə gəlib çatmışdır.
Hadisədə adıçəkilən Abduləliyeva Nərgiz Rəmzi qızı haqda istər məktəbdə istərsə də kənddə aparılan araşdırma zamanı onun çox gözəl şagird və dərslərində müvəffəqiyyətli olduğu məlum olub.
Hətta keçirilən sınaq imtahanından da Nərgizin 400-dən çox bal topladığı bildirilir. Məsələnin həqiqi tərəfi isə ondan ibarətdir ki, Şahhüseynli kənd məktəbinin direktoru vəzifəsini müvəqqəti icra edən Tofiqli Ceyhun Hafiz oğlu noyabr ayının 14-də axşam saatlarında həmin məktəbin 11-ci sinif şagirdi 1999-cu il təvəllüdlü Abduləliyeva Nərgiz Rəmzi qızının ondan xahiş etdiyi bir kitabı ona vermək üçün ora gəlib.
Həmin əsnada isə Nərgizin anası və dayısı məsələni yanlış anlayaraq məktəb direktoruna hücum çəkiblər.
Ceyhun Tofiqlinin oradan uzaqlaşmasından sonra Nərgizin anası və dayısı dərhal polis şöbəsinə şikayət ərizəsi ilə müraciət ediblər.
Daha sonra Ceyhun Tofiqli Rayon Polis İdarəsinin əməkdaşları tərəfindən saxlanılmış və aparılan araşdırmadan sonra sərbəst buraxılıb.
Bundan sonra Abduləliyeva Nərgiz Rəmzi qızı tibbi müayinədən keçirilmiş və heç bir təcavüz halının olmadığı müəyyən edilmişdir.
