Akif Nağı polisə çağırılmasından

QAT sədri Akif Nağının Bakı şəhər baş polis idarəsinə çağırılması ilə bağlı xəbər vermişdik.

Akif Nağı Bakı şəhər baş polis idarəsinə çağırılmasının səbəblərini Ölkə.Az-a açıqlayıb:

"Haqqın.az saytının baş redaktoru Eynulla Fətullayevin erməni jurnalist Suzan Caginyanı işə götürməsi ilə bağlı QAT-ın sərt açıqlaması olmuşdu. Bu açıqlama ilə əlaqədar məni Bakı şəhər Baş Polis İdarəsinə çağırdılar. Məni Bakı şəhər Baş Polis İdarəsinin rəis müavini Səhlab Bağırov qəbul etdi. Qəbulda Səhlab Bağırovdan başqa digər dövlət qurumlarının nümayəndələri də iştirak edirdi.

Səhlab Bağırov və görüşdə iştirak edən digər şəxslər mənə dövlətin mövqeyini çatdırdılar. Bildirdilər ki, bu dövlət səviyyəsində aparılan bir siyasətdir. Bunun müsbət cəhətləri var. Mən də öz mövqeyimi əsaslandırdım. Sonra mənə yazılı şəkildə xəbərdarlıq etdilər və sərbəst buraxdılar".

QAT üzvlərinin saxlanılmasına münasibət bildirən Akif Nağı bildirdi ki, QAT-ın 9 üzvünü Filipp Kirkorovun konsertinə görə saxlayıblar. Sədr görüşdə iştirak etdiyini, 8-ci polis bölməsinin rəisi Rəşad Əhmədzadə ilə görüşdüyünü bildirdi:

"Məqsədimiz barədə məlumat verdim. QAT üzvlərini Səbail rayon məhkəməsinə apardılar".

Akif Nağı sözünə davam edərək bildirdi:

"Onlarla əlaqə saxlamışam. Hələlik heç bir tədbir görülməyib".

Səxavət Məmməd
Ölkə.Az