Yağışdan sonrakı Bakı mənzərələri...

"Bakımız inkişaf edib, Bakımız gözəlləşib, Bakımız günü gündən çiçək açır"

Bunlar Bakı meri Hacıbala Abutalıbovun ən çox istifadə etdiyi sözlərdir.

Bakının necə gözəlləşdiyini, çiçəkləndiyini görmək üçün bir yağış bəs edir. Bəlkə də yağış Hacıbala Abutalıbovun ən çox nifrət etdiyi təbiət hadisəsidir. Ona görə ki, hər yağışdan sonra Bakının bütün eybəcərlikləri ortaya çıxır.

Nə isə...mövzumuz Hacıbala Abutalıbov deyil, yağışdan sonrakı Bakı küçələridir. Yağış kəsəndən sonra çıxırıq Bakı küçələrinə... Reportajımızın obyektiv alınması üçün şəhərin daha bərbad yerləri ilə yox, Nərimanov metrosu ətrafındakı küçələrin vəziyyəti ilə tanış olmaq qərarına gəldik.

Yağış bir neçə saatdır ki, kəsib. Kanalzasiyası normal işləyən şəhərin küçələrində su qalmamalı idi, ancaq Bakı küçələri başdan-başa gölməçə içərisindədir...

Səkilər demək olar ki, keçilməzidir. Şəhər sakinləri hərəkət etmək üçün səki daşlarının üzəri ilə yeriyirlər. Ara məhlələrdə vəziyyət daha acınacaqlıdır. Boşaldılmamış zibil qabları, xirda xirda gölməçələr, bloklara girmək gölməçələr üzərinə atılmış taxtalar... Bir sözlə yağışdan sonrakı paytaxt mənzərələri...