Suriya məsələsi Astanada müzakirə ediləcək

Suriya məsələsi Astanada müzakirə ediləcək.

Ölkə.Az xəbər verir ki, danışıqlarda Rusiya, İran və Türkiyənin hərbçiləri iştirak edəcək.

Danışıqlarda iştirak edən dövlətlər Suriyada atəşkəsin qarantı kimi çıxış edəcəklər. Bu barədə diplomatik mənbələr xəbər verib. Xəbərdə deyilir: "Astana danışıqlarında atəşkəs müzakirə ediləcək. Hazırda müqavilə bu məsələlər üzrə Ankarada ekspertlər səviyyəsində hazırlanır. Müqavilə sonradan Astanada təsdiqlənəcək".

Eyni zamanda bildirilir ki, Ankarada Rusiya və Türkiyə hərbçiləri Suriyada atəşkəs rejimini bərqərar etmək üçün Suriya müxalifəti ilə danışıqlar aparır. Qeyd edilir ki, Suriya razılaşmasına qoşulmaq üçün bəzi dövlətlər maraq göstərir. Bu dövlətlər əsasən ABŞ, Səudiyyə Ərəbistanı və Qətərdir.

Hikmət
Ölkə.Az