"Asan Akademiya"-nın gəncləri məzun oldu

Layihə Azərbaycan Respublikasının Prezidenti yaninda Gənclər Fondunun maliyyə dəstəyi ilə keçirildi

Ölkə.Az xəbər verir ki, noyabrın 1-də “Beynəlxalq Muğam Mərkəzində” “Asan Akademiya” layihəsinin ilk məzuniyyət gecəsi keçirildi.
Tədbiri Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov açaraq bildirdi ki, Dövlət Agentliyi olaraq məqsədimiz gənclərdə iş təcrübəsini, gələcək karyera imkanları genişləndirməsinə kömək etməkdir: “ “Asan Xidməti” könüllülərsiz təsəvvür etmək olmaz”.

“Asan Könüllüləri” gənclər təşkilatının sədri Fərid Sadıxlı “Asan Akademiya”nı uğurlu layihələrdən biri olduğunu vurğulayaraq, regionlarda da davam etdiriləcəyini bildirdi.

Sonra Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar və strateji araşdırmalar şöbəsinin müdir müavini və “İdeya Bankı” üzrə müvəkkil, “Asan Akademiya”nın təlimçisi Fariz Cəfərov çıxış etdilər.

Azərbaycan Respublikasının Prezidenti yanında Vətəndaşlara Xidmət və Sosial İnnovasialar üzrə Dövlət Agentliyinin İnsan resusları və təlim şöbəsinin əməkdaşı, “Asan Akademiya”ın təlimçisi Orxan Oruczadə isə xaricdə təhsilini davam etdirdiyindən, tələbələrinə arzularini video süjeti ilə bildirdi.

Həmçinin Dövlət qurumlarının bir neçə nümayəndələri, Azərbaycan Respublikasının Prezidenti yanında Vətandaşlara Xidmət və Sosial İnnovasialar üzrə Dövlət Agentliyinin sədr müavini Ülvi Mehdiyev, Gənclər və İdman Nazirliyinin Gənclərə İş sektorunun müdiri Fuad Babayev iştirak edirdi.

Layihənin məqsədi Könüllülərin iş mühitinə psixoloji hazırlığı, biznesin təşkili, gənclərin karyeraya ilk addımlarında praktiki bacarıqları öyrətmək və idarəçilik istiqamətində inkişaf etdirməkdir. Dərslər 1 sayıi Asan Xidmət mərkəzində keçirilib. “Asan Akademiya” layihəsinə 447 müraciətdən 40 nəfər seçilərək iştirak etmişdi.

Qeyd edək ki, layihə Azərbaycan Respublikasının Prezidenti yaninda Gənclər Fondunun maliyyə dəstəyi ilə keçirildi.