Cəbhədə savaş xəbərinə Vaqif Dərgahlıdan
Cəbhədə hər hansı hərbi toqquşma ilə bağlı rəsmi məlumat yoxdur.
Ölkə.Az Xəbər verir ki, bunu TASS agentliyinə açıqlamasında Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı deyib.
O bildirib ki, belə bir hal baş verdiyi təqdirdə Azərbaycan Müdafiə Nazirliyi rəsmi məlumat yayacaq.
Qeyd edək ki, Ermənistan mətbuatı bu gün Azərbaycan Ordusunun diversiya qrupunun Çinarlı kəndi istiqamətində cəbhə xəttini keçdiyi barədə məlumat yayıb.
Xəbərdə bildirilir ki, qarşılıqlı döyüş şəraitində Ermənistan Ordusunun bir zabiti və 2 müddətdən artıq xidmət edən hərbçisi məhv edilib.
