Səhiyyə Nazirliyindən Gəncədə hamilə qadının ölümü ilə bağlı
Səhiyyə Nazirliyinin mətbuat xidmətindən Ölkə.Az-a verilən məlumata görə, 1989-cu il təvəllüdlü Elşanə Elşən qızı Əhmədovanın ölümü araşdırılacaq.
“Hadisə Məhkəmə Tibbi Ekspertiza və Patoloji Anatomiya Birliyi və Səhiyyə Nazirliyinin Hamiləlik, doğum və zahılıq dövrlərində ölüm, həmçinin mamalıq ağırlaşmaları hallarının təhlili üzrə komissiya tərəfindən ölümün səbəbləri araşdırılacaq. Araşdırmalardan sonra hadisə barədə ətraflı məlumat verilə bilər”, - deyə qurumdan bildirilib.
Qeyd edək ki, Goranboy rayon sakini 1989-cu il təvəllüdlü Əhmədova Elşanə Elşən qızı “sol partlamış boru hamiləliyi” diaqnozu ilə ağır vəziyyətdə xəstəxananın ginekologiya şöbəsinə çatdırılıb. Ona dərhal tibbi yardım göstərilsə də, həyatını xilas etmək mümkün olmayıb.
Ziya Səccad
Ölkə.az
