Editor.az-ın iki yaşı tamam olur
Editor.az İnformasiya Portalının iki yaşı tamam olur.
2012-ci ilin 24 noyabrında fəaliyyətə başlayan portal bu gün növbəti ad gününü qeyd edir. Editor.az-ın təsisçisi və baş redaktoru Fərid Şahbazlı bildirib ki, gərgin rəqabət şəraitində yaranan və fəaliyyətini davam etdirən portal iki illik qısa zaman kəsiyində ölkənin internet media məkanında özünəməxsus yer və nüfuz qazana bilib:
“İki yaşının tamamında Editor.az-a gündəlik oxucu girişi 12-17 min İP arasında dəyişir. Portalımızın yaydığı xəbərlərə davamlı olaraq, ölkəmizin tanınmış mətbu orqanları istinad edir. Editor.az-da yayınlar bir sıra rubrikalar ictimaiyyətin daimi diqqətinə və marağına səbəb olur. Düşünürəm ki, məqsədimizə çatmaq üçün hələ qət ediləsi uzun bir yol var”.
Ölkə.Az-ın bütün kollektivi adından biz də öz növbəmizdə həmkarlarımızı təbrik edir, onlara daha böyük uğurlar arzu edirik.
Ölkə.Az
