"Məhərrəm Əliyevi tanımayanlar üçün ərz edim ki, o, yaltaq olmayıb"

Ölkə.Az xəbər verir ki, bunu millət vəkili Adil Əliyev dövlət başçısı İlham Əliyevin Məhərrəm Əliyev ilə bağlı imzaladığı sərəncəma münasibət bildirərkən deyib:

"Mən hesab edirəm ki, insan öz əqidəsini elan kimi divardan asmamalıdır. Məhərrəm Əliyevi tanıyanlar tanıyır, tanımayanlar üçün ərz edim ki, o heç vaxt yaltaq ve ikiüzlü olmayıb, o vətəni, dövləti, xalqı uğrunda qan, dostu uğrunda göz yaşı, ailəsi uğrunda tər tökən əqidə adamıdır. Məhərəm Əliyev vaxtında Ulu Öndər Heydər Əliyevin silahdaşı olub, bu gün də cənab prezident İlham Əliyevin sadiq generallarından biridir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq, o, prezident İlham Əliyevə, dövlətə və dövlətçiliyimizə sabit, stabil, sadiq adamdır. Heç bir qüvvə, heç vaxt onu əqidəsindən döndərə bilməz. Mən fəxr edirəm ki, Məhərrəm Əliyev kimi böyük qardaşım var. Allah böyüklərimizi qorusun".