Polislər şəhid ailələrini Milli Məclisin qarşısında mühasirəyə aldı

Bu gün bir qrup şəhid ailəsi Milli Məclisin qarşısında aksiya keçirib.

Hazırda polislər aksiya iştirakçılarını mühasirəyə alıblar. Şəhid ailələri parlamentdən sığorta pulunu tələb etmək niyyətindədirlər. Millət vəkili Qənirə Paşayeva aksiya keçirənlərlə söhbətləşib.

Qeyd edək ki, şəhid olan hərbçilərin ailələri dövlət icbari sığorta pulunu almasında dəstək olmaları üçün Milli Məclisin deputatları Qənirə Paşayeva, İqbal Ağazadə, Əli Hüseynli, Aydın Mirzəzadə, Yevda Abramova, Flora Qasımova, Ziyad Səmədzadə və Fazil Mustafa ilə görüşüblər.

Eyni məqsədlə dəfələrlə Prezident Administrasiyasının, Nazirlər Kabinetinin və "Azərsığorta"nın qarşısında etiraz aksiyaları keçiriblər./Qafqazinfo/

Ölkə.Az