Bu ilin birinci yarısında 159 azərbaycanlı Ukrayna vətəndaşlığını qəbul edib
Bu barədə "Report"un Ukrayna bürosuna ölkənin Vətəndaşlıq, Pasportlaşdırma və DMX-nin Qeydiyyatı Departamentindən məlumat verilib.
Qurumdan bildirilib ki, 2016-ci ildə 22 azərbaycanlı Ukrayna prezidentinin müvafiq sərəncamına əsasən Ukrayna vətəndaşlığı alıb.
Departamentdən son 5 ildə DMX-nin ərazi orqanlarının qərarına əsasən, Ukrayna vətəndaşlığı alan azərbaycanlıların statistikası da təqdim olunub. Belə ki, bu rəqəm 2012-ci ildə 106, 2013-cü ildə 462, 2014-cü ildə 312, 2015-ci ildə 198, 2016-cı ildə isə 303 nəfər təşkil edib.
Bu ilin birinci yarısında 159 azərbaycanlıya Ukraynada vətəndaşlıq verilib.
Bundan əlavə, Ukrayna prezidentinin sərəncamı ilə Azərbaycan Respublikasının vətəndaşları Ukrayna vətəndaşlığına qəbul edilib: 2012-ci ildə 37, 2013-cü ildə 72, 2014-cü ildə 49, 2015-ci ildə 22, 2016-cı ildə isə 22 nəfər.
Bu ilin ilk altı ayı ərzində 8 nəfər prezidentin müvafiq fərmanına əsasən Ukrayna vətəndaşlığına qəbul edilib.
Ölkə.Az