İkinci Qarabağ Müharibəsində qəhrəmanlıq dastanı yazan əsgər və zabitlərimiz barədə hələ çox yazılacaq və onların qəhrəmanlığı haqqında deyiləcək. Çünki 30 ilə yaxın iondid ki, Azərbaycan insanı işğal altında olan torpaqların azad olunması üçün Müqəddəs Vətən savaşına hazır idi. Bu yolda öz canlarından keçməyə hazır idi. Ona görə də cəmiyyət olaraq dəmir yumruq kimi Ali Baş Komandan İlham Əliyevin ətrafında sıx birləşərək işğalçı düşməni torpaqlarımızdan silib-süpürmək üçün “Ya qazi, ya şəhid” deyib döyüşə atıldı. Vətən uğrunda savaşda cəmiyyətin ən müxtəlif təbəqəsinin nümayənədləri qatıldı. Vətən həsrəti ilə yanan məmurlarımız belə heş düşünmədən öz kreslolarını buraxaraq Müqaəddəs Vətən müharibəsinə getdi. İndi Azərbaycan xalqı qəhrəmanalıq nümunəsi göstərən məmurlarını tanımaqdadır. Döyüşlərə qatılanlar sırasında verfi orqanlaırnda vəzifələrdə çalışan insanlar da olub. Öz vəzifəsini buraxıb döyüşlərə qatılanlardan biri də Füzuli rayonu Vergi İdarəsinin rəisi Aqil Atakişiyevdir. Bu Aqil Atakiyevdir ki, atası Atakişi Atakişiyev Xocalının ilk prokuroru olub. İndi oxucularımıza adı çəkdiyimiz qəhrəmanımızın şücaəti, vətənpərvərliyi barədə bilgi verəcəyik. Qeyd edək ki, Aqil Atakişiyev İmişli rayonunun Bəciravan kəndində anadan olub. Aqil Atakişiyev Vətən müharibəsi başlayanadək Füzuli rayonu Vergi İdarəsinin rəisi işləyib. Müharibə başladıqda isə döyüşlərə qatılaraq Füzuli, Hadrut, Zəngilan, Qubadlı uğrunda gedən döyüşlərdə iştirak edib. Aqil Atakişiyev özü azğın düşmənə qarşı savaşda iştirak etməkdən qürur hissi keçirdiyini bildirir. “Müharibə başlayanda düşmənə qarşı savaşmaq və tarixi ədaləti bərpa etmək üçün döyüşmək qərarına gəldim. Cənab Ali Baş Komandanın çağırışına səs verib döyüşdə iştirak etmək üçün müraciət etdim və çox keçmədi ki, vətənin azadlığı uğrunda döyüşmək mənə də qismət oldu. Açığı deyim ki, döyüş ruhum yüksək idi və sevinə-sevinə cəbhəyə yollandım. Qələbəmizə ürəkdən inanırdım. İnanırdım ki, Ali Baş Komandan cənab İlham Əliyevin komandanlığı altında torpaqlarımızı mütləq yağı düşmənin işğalından azad edəcəyik. Çünki illər idi ki, bu günü gözləyirdik. Bəli, o gün gəldi və biz Allahın dəstəyi ilə zəfər qazandıq. Azğın düşmən ordusunu darmadağın edib, onlar üzərində zəfər çalıb, tarixi ədaləti bərpa etdik. Bir zamanlar erməni faşistlərin Xocalıda və digər ərazilərdə törətdiyi soyqırımı, hərbi cinayətlərin qisasını aldıq”- Aqil Atakişiyev deyir.
Xocalı soyqırımını heç vaxt unutmadıq
44 günlük Vətən müharibəsinin qəhrəmanı deyir ki, vətən sevgisi ailədən gəlir:
“Biz bu müharibədə qəhrəman oğullarımızı gördük. Düşmənə qarşı hamımızda qisas hissi vardı. Çünki biz Xocalı soyqırımını heç vaxt unutmadıq və unuda da bilmərik. Atam Atakişi Atakişiyev Xocalı rayonunun keçmiş prokuroru olub. Bizim ailədə vətən və müharibə mövzusu həmişə aktual olub. Mən də hər kəs kimi vətənpərvərlik ruhunda böyümüşəm. İçində vətən sevgisi olanlar gec-tez vətəninin azadlığına qovuşur. Biz də vətənimizin azadlığına qovuşduq”.
Aqil Atakişiyev onu da deyir ki, ailəlidir və üç övladı var
“ 3 övladım var. Onlar ataları ilə fəxr edir və edəcəklər. Uşaqlarım orta məktəbdə oxuyurlar. Demək olar ki, müharibənin nə demək olduğunu dərk edirlər. Füzuli, Hadrut Zəngilan, Qubadlı azad ediləndə çox sevinmişdilər ki, atamız torpaqlarımızı düşməndən azad etdi. Ali Baş Komandan və müzəffər ordumuz sağ olsun ki, biz birlikdə Qarabağı işğalçılardan təmizlədik. Biz gücümüzü ortaya qoyduq və Qarabağ artıq azaddır”.
Mürtəza
Ölkə.Az
