Paşinyan təcili Zəngəzura gedib
"Ölkə.Az" "novosti-armeniya"ya istinadən xəbər verir ki, Şurnux kəndinə gələn Paşinyan kənddə Qarabağdan gedən bir iki ailə ilə görüşərək oranı tərk edib. Bildirilir ki, Paşinyanla yanaşı ABŞ-ın Ermənistandakı səfiri də Sünikdə olub.
"Nikol Paşinyan gözlənilmədən Sünikə gedib, gecə yarısı Qafana gələcək. Sünikdə bu ziyarət barədə heç kimə məlumat verilməyib. İnsanlar burada təşviş içindədirlər və fərqli fərziyyələr irəli sürürlər. Onlardan biri də Paşinyanın sərhəddə gecə saatlarında görüş keçirməyə hazırlaşmasıdır. Maraqlıdır ki, "təsadüf" nəticəsində prezident Armen Sərkisyan da artıq bir neçə gündür Sünikdədir. Dünəndən bəri isə ABŞ səfiri Linn Treysi Sünikə gəlib. O, dünən Sisianın meri ilə görüşüb və müharibədən sonrakı dövrdə buradakı insanların durumu ilə maraqlanıb. Sünikdə sakinlər belə hesab edirlər ki, Ermənistan rəhbərləri ilə ABŞ səfirinin eyni vaxtda bu həssas bölgədə peyda olması təsadüfi deyil. Onların bu ərazilərə gözlənilməz səfərlərinin arxasında hansısa arzuolunmaz maraqlar dayanır."
Şurnux kəndinin başçısı Akop Arşakyan isə deyib ki, Paşinyan kənddə 1-2 evdə olub getdi:
"Ancaq deyə bilmərəm ki, kənd camaatı onu necə qarşıladı. Baş nazirin kəndə səfərindən kənd camaatının xəbəri olmayıb. Mən kənd icra nümayəndəsi olaraq baş nazirin səfərindən ancaq o zaman xəbər tutdum ki, o bir iki evə girib kəndi tərk edir. O Qarabağdan gələn ailələrlə görüşüb, amma nə söhbət ediblər xəbərim olmayıb"- kənd icra nümayəndəsi deyib.
Arşakyan onu da xatırladır ki, kəndə prezident Armen Sərkisyan və hüquq müdafiəçisi Arman Tatoyan səfərdə olub. Ancaq onların səfəri barədə iki gün öncə məlumatlandırılıb.
Paşinyan sonda Qafanda "Eleqant" restoranında şam edib. Onun kartejini yüzlərlə polis və təhlükəsizlik xidmətinin əməkdaşı mühafizə edib". - məlumatda qeyd olunub.
