Paşinyan: “Qarabağ məsələsinin delimitasiya ilə əlaqəsi yoxdur”

Qarabağ məsələsi Ermənistan və Azərbaycanın sərhədlərin delimitasiyası və təhlükəsizliyi üzrə milli komissiyalarının fəaliyyəti ilə əlaqəsi yoxdur. 

“Ölkə.Az” xəbər verir ki, bunu çərşənbə axşamı Ermənistanın baş naziri Nikol Paşinyan Əl-Cəzirə telekanalına müsahibəsində deyib.

“Qeyd edirəm ki, Qarabağ məsələsi heç bir şəkildə delimitasiya komissiyası ilə əlaqəsi yoxdur, çünki bizim Azərbaycanla müxtəlif formatlarda əməkdaşlığımız mövcuddur və onlardan biri delimitasiya məsələsinə aiddir”, - deyə o bildirib.

Paşinyanın sözlərinə görə, Ermənistan-Azərbaycan dialoqunun ikinci istiqaməti İrəvanla Bakı arasında münasibətlərin normallaşdırılması formatıdır. 

“Regional nəqliyyat və iqtisadi kommunikasiyaların açılması ilə bağlı üçüncü istiqamət də var. Amma təbii ki, regionda sülhün bərqərar olması üçün ən vacib məsələ Qarabağ məsələsidir”, - o əlavə edib.

Jurnalistin “Rusiya bu prosesdə Azərbaycana daha çox dəstək verir” sualına cavab olaraq Paşinyan deyib ki, Rusiya Ermənistanın strateji tərəfdaşı və müttəfiqidir, lakin onun Azərbaycanla da çox yaxın münasibətləri var.

Mürtəza
Ölkə.Az