Hərbi xidmətə cəlb olunan separatçılar Qarabağı tərk edirlər

Hərbi xidmətə cəlb olunan separatçılar Qarabağı tərk edirlər.

Ölkə.az xəbər verir ki, bu barədə görüntülər sosial şəbəkələrdə yayılıb.

Görüntülər Laçın sərhəd-keçid məntəqəsində çəkilib.

Ermənilərin daha bir qrupu Qarabağdan Ermənistana gedib. Aralarında qadın yoxdur.

Gənclər Qızıl Xaçın müşayiəti ilə sərhədi keçiblər. 

Sənədlərə görə, gənc kişilər tələbələrdir və Ermənistana təhsillərini davam etmək üçün gedirlər. Lakin ”tələbələr” arasında qızların olmaması və gənc kişilərin bədən quruluşu və saç düzümü müəyyən şübhələr yaradır.  

Xatırladaq ki, bundan öncə separatçıların səfərbər olduqlarını əks etdirən görüntülər yayılmışdı. Yerli mediada bunu ilk dəfə dərc edən Ölkə.Az quldur ermənilərin mülki maşından istifadə etdiyini də diqqətə çatdırmışdı.