Qərbi azərbaycanlıların şəxsiyyət vəsiqəsi ilə bağlı YENİLİK

Bu gündən etibarən Qərbi Azərbaycandan olan şəxslərə “Asan xidmət” vasitəsilə verilən şəxsiyyət vəsiqələrində onların doğulduğu şəhər və rayonların tarixi adları göstəriləcək.

Ölkə.Az xəbər verir ki, bu barədə Qərbi Azərbaycan İcması İdarə Heyətinin sədri Əziz Ələkbərli bildirib.

"Qərbi Azərbaycana qayıdacağıq. Bunun alternativi yoxdur. Ermənistandan tələbimiz ondan ibarətdir ki, insanlar geri qayıtdıqca toponimlərimiz bərpa olunmalıdır. Təbii ki, bu məsələdə biz tam olaraq Ermənistana arxalanmırıq, özümüz toponimlərimizi bərpa etmək üçün müəyyən addımlar atırıq”, - deyə İcma sədri vurğulayıb.