Ağ Evdən Pol Manafort və onun şərikinin hərb olunması barədə

“Ölkə.Az” xəbər verir ki, rəsmi Vaşinqtonun verdiyi açıqlamada ölkə başçısının bu məsələ ilə bağlı heç bir əlaqəsinin olmadığı bildirilir. Bu haqda Ağ evin mətbuat katibi Sara Sanders jurnalistlərə açıqlamasında bildirib. Onun sözlərinə görə, Trampın Pol Manafort və onun şəriki Rik Qeyts ilə heç bir bağlılığı olmayıb.

“Bu gün hər iki şəxsin həbs edilməsi və onların günahlandırıldıqları cinayətlərlə Trampın, onun şirkətlərinin bağlılığı yoxdur”, - deyə Sara Sanders vurğulayıb.

Qeyd edək ki, ABŞ prezidenti Donald Trampın seçki kampaniyası təbliğatçısı Pol Manafort həbs edilib. Pol Manafort keçən il ABŞ-da keçirilən prezident seçkilərinə Rusiyanın müdaxilə etməsi ilə bağlı aparılan istintaq zamanı saxlanılıb.

Onun haqqında həbs qərarı çıxarılandan sonra Pol Manafort özü Federal Təhqiqat Bürosunun (FBI) Vaşinqtondakı binasına gedərək təslim olub. O və onun keçmiş biznes şəriki Rik Qeyts haqqında 12 maddə üzrə cinayət işi açılıb. Onlar həm də, ölkə büdcəsindən külli miqdarda vəsait mənimsəməkdə günahlandırılırlar. Hüquq mühafizə orqanlarının əməkdaşları Rik Qeytsi də saxlayıblar.

Onu da vurğulayaq edək ki, əgər Pol Manafort haqqında açılan cinayət işləri öz təsdiqini taparsa, o zaman onu 80 il azadlıqdan məhrum edilmə cəzası gözləyir.

D.Tramp Pol Manafortun həbsi ilə əlaqədar açıqlama verib. O, bildirib ki, Manafort biznesmendir. Onun iş fəaliyyətilə heç bir əlaqəsi yoxdur. Onun günahlarına da şərik olmaq istəmir.

Ziya Səccad
Ölkə.Az