Millət vəkili: "Bu hadisənin nidaçılara heç bir aidiyyatı yoxdur"

Millət vəkili Siyavuş Novruzov Azərbaycanın XİN başçısı Elmar Məmmədyarovun AŞ PA-da çıxışı zamanı baş vermiş hadisəni Ölkə.az-a şərh verib. 

Xəbər verdiyimiz kimi oktyabrın 2-də Azərbaycanın xarici işlər naziri Elmar Məmmədyarov Strasburqda AŞPA-nın payız sessiyasında çıxışı bir qrup azərbaycanlı gənc tərəfindən etirazla qarşılanıb. 

Ölkə.Az-a danışan millət vəkili Siyavuş Novruzov baş verən hadisəni erməni lobbisi altında fəaliyyət göstərən insanların hərəkəti kimi dəyərləndirib.  

"Bu gözlənilən hadisə idi. Onlar Azərbaycanın iqtisadi inkişafını, ölkədə aparılan islahatları gözü götürməyən insanlardılar. Bəzi erməni lobbisinin təsiri altında fəaliyyət göstərən insanlar var ki, bunu da o insanların hərəkəti kimi qiymətləndirirəm". 

"Bu hadisə NİDA üzvlərinin əfv fərmanına təsir edə bilərmi?" sualına millət vəkili bu cür cavab verib: "Xeyr, bu hadisənin nidaçılara heç bir aidiyyatı yoxdur".

Qeyd edək ki, Elmar Məmmədyarov çıxışına başlayarkən azərbaycanlı mühacirlərdən bir qrupu etiraz əlaməti olaraq nazirin çıxışını etiraz sədaları ilə kəsiblər.

Fatimə İbrahimli

Ölkə.Az