Pakistanda gərginlik artır
Pakistanın paytaxtı İslamabad şəhərində seçki qanununa nəzərdə tutulan dəyişikliyə etiraz etmək üçün başlayan nümayişlərdən sonra gərginlik artmağa başlayıb.
"Ölkə.Az" xəbər verir ki, Pakistanda çevik polis alayı nümayişçilərə müdaxilə edib.
Aksiyadan sonra təhlükəsizlik qüvvələri özəl televiziya kanalları və sosial şəbəkələrə girişi qadağan edib. Bundan başqa seçki qanununa edilən dəyişikliyə etiraz edənlərə qarşı polis əməliyyatı başlayıb.
İslamabad şəhərində üç həftədir yolu bağlayan nümayişçilərə qarşı səhər saatlarında 8 min polis işçisi müdaxilə edib. Toqquşma nəticəsində ən azı 6 nəfər həlak olub. 250-dən çox yaralı var.
Hikmət Həsənov
Ölkə.Az