ABŞ qırıcısının ruslara həmləsi nəyə işarədir?
ABŞ kəşfiyyat təyyarəsi “P-8 Poseidon” Qara dəniz sərhəd xəttini pozub. Bu zaman rus ordusuna məxsus “Su-30” qırıcısı da havaya qalxıb. Rusiya müdafiə nazirliyindən verilən xəbərə əsasən, ABŞ qırıcısı yüksək sürətlə sərhədə yaxınlaşıb. Rus qırıcısı onun qarşısını kəsdikdən sonra istiqamətini dəyişərək yenidən beynəlxalq hava sahəsinə qayıdıb.
Azərbaycanlı mütəxəssislər isə düşünürlər ki, belə hadisələr tez-tez baş verəcək. Yerli politoloqların fikrincə, bu tip hadisələr ABŞ və Rusiya arasında yaranmış gərginlik sona çatmayana qədər hələ çox davam edəcək.
Politoloq Fikrət Sadıqov “Ölkə.Az”a açıqlamasında bildirib ki, son illər ABŞ və Rusiya arasında qarşıdurma daha da güclənib. Onun fikrincə, bu münasibətlər soyuq müharibə astanasındadır.
“İki ölkə arasında geosiyasi qarşıdurma gedir. İki ölkə rəhbərliyi bir-birini qarşılıqlı şəkildə günahlandırır. Əraziləri nəzarətə götürmək istəyirlər. Bu zaman qırıcılardan və digər hərbi texnikalardan istifadə edilir. Onlar arasında qarşıdurma dayanmasa, problem davam edəcək”, - deyə F.Sadıqov vurğulayıb.
Ziya Səccad
Ölkə.Az
