ABŞ və Avropa İttifaqı "iqtisadi NATO"-da birləşə bilər

Sazişi həm də "İqtisadi NATO" adlandırırlar.

Ölkə.Az "EUobserver" informasiya portalına istinadən xəbər verir ki, Avropa İttifaqının 28 ölkəsinin lideri 2015-ci ilin sonunda ABŞ-la Ticarət və investisiyalar sahəsində əməkdaşlıq haqqında transatlantik sazişin (TTIP) imzalanması üçün çıxış ediblər. Sözügedən transatlantik sazişi həm də "İqtisadi NATO" adlandırırlar.

Bu barədə Avropa İttifaqının 18-19 dekabr tarixlərində Brüsseldə keçirilmiş sammitinin yekun bəyanatında deyilib.

"Avropa İttifaqı ABŞ-la Ticarət və investisiyalar sahəsində əməkdaşlıq haqqında transatlantik saziş (TTIP) barədə danışıqları sürətləndirmək istəyir", - deyə "EUobserver" portalında bildirilib.

Qeyd olunur ki, TTIP-in bağlanması barədə danışıqlar dayandırılarsa, onların gələcək gedişatını ABŞ-da 2016-cı il prezident seçkilərinə hazırlıq uzadacaq.

Avropa İttifaqı ölkələrində 1 milyondan çox vətəndaş Aİ-ni TTIP-lə bağlı danışıqları dayandırmağı tələb edən petisiyanı imzalayıb.

Rəşid Mustafazadə

Ölkə.Az