Tanışının üstünə benzin tökərək yandıran şəxsə ağır cəza
Bakıda tanışının üstünə benzin tökərək yandırmaqda təqsirli bilinən Səbuhi Ağayevin cinayət işi üzrə məhkəmə başa çatıb.
“Ölkə.Az” xəbər verir ki, bu gün Bakı Ağır Cinayətlər Məhkəməsində hakim Fikrət Qəribovun sədrliyi ilə baş tutan prosesdə təqsirləndirilən şəxsə hökm oxunub.
Məhkəmənin hökmü ilə Səbuhi Ağayev 14 il müddətinə azadlıqdan məhrum edilib.
İttihama görə, Yasamal rayonunda Səbuhi Ağayev münaqişə zəminində tanışı Anar Muradovun üzərinə benzin tökərək yandırıb.
Hadisə zamanı Səbuhi Ağayevin sərxoş vəziyyətdə olub. Yaralı dərhal xəstəxanaya çatdırılıb. Vaxtında tibbi yardım göstərildiyi üçün onun həyatını xilas etmək mümkün olub.
