Şəhriyar Məmmədyarov növbəti dəfə heç-heçəyə razı olub
Almaniyanın paytaxtı Berlində şahmat üzrə İddiaçılar turnirinin növbəti turu keçirilib.
"Ölkə.Az" xəbər verir ki, turnirdə təmsilçimiz Şəhriyar Məmmədyarov 5-ci turda ardıcıl dördüncü dəfə heç-heçəyə imza atıb.
Onun budəfəki rəqibi çinli Din Lijen olub. Şəhriyar bu qarşılaşmadan sonra xallarının sayını 3-ə çatdıraraq ikinci yerdə mövqeyini qoruyub.
Heç-heçə nəticəsi Aleksandr Qrişuk (Rusiya) – Levon Aronyan (Ermənistan), Uesli So (ABŞ) - Vladimir Kramnik (Rusiya) və Fabiano Karuana (ABŞ) - Sergey Karyakin (Rusiya) qarşılaşmalarında da qeydə alınıb.
Turnir cədvəlinə Karuana liderlik edir, Məmmədyarov və Kramnik ondan yarım xal geri qalır.
Qeyd edək ki, Şəhriyar Məmmədyarov VI turda Vladimir Kramniklə üz-üzə gələcək.
Ölkə.Az