Rusiyada ticarət mərkəzində yanğın

"Ölkə.Az" "Ria Novosti"yə istinadən xəbər verir ki, indiyədək 43 nəfər xəstəxanaya yerləşdirilib. 69 nəfərdən isə heç bir xəbər yoxdur.

***

"Ölkə.Az" xəbər verir ki, xilasedicilər daha 2 nəfərin meyitini tapıblar. Bununla da yanğın zamanı həlak olanların sayı 7 nəfərə çatıb.

***

"Ölkə.Az" xəbər verir ki, dəqiqləşdirilmiş informasiyaya əsasən yanğın zamanı 3 qadın, bir uşaq və bir kişi həyatını itirib.

Yanğınla əlaqədar 32 nəfər tibbi yardım üçün müraciət edib, onlardan 30-u xəstəxanaya yerləşdirilib.

***

“Ölkə.Az” xəbər verir ki, bu barədə Rusiya İstintaq Komitəsinin nümayəndəsi Svetlana Petrenko məlumat verib. O bildirib ki, yanğın zamanı 3 uşaq və 1 qadın ölüb, 26 nəfər yaralanıb.

Bundan əlavə, Petrenkonun sözlərinə görə, ticarət mərkəzindəki 2 kinoteatrda tavan çöküb.

Xəsarət alanlar xəstəxanaya çatdırılıb.

***

Bu gün Rusiyada ticarət mərkəzində yanğın olub.

“Ölkə.Az” ria.ru-ya istinadən xəbər verir ki, hadisə Kemerova şəhərində "Qış albalısı" ticarət mərkəzində baş verib. Hadisə nəticəsində 4 uşaq ölüb. Onların tüstüdən zəhərləndiyi bildirilir.

Yanğının baş vermə səbəbləri araşdırılır.

Ölkə.Az