Erməni əsilli qadın doğum şəhadətnaməsinin dəyişdirilməsi ilə bağlı məhkəməyə müraciət etdi

 “Ölkə.Az”ın məlumatına görə, Babayeva (Varaqyan/Ağayeva) İrana Telmanovna Nəsimi rayon Qeydiyyat şöbəsini məhkəməyə verib. İddiaçı şikayətində doğum şəhadətnaməsinin dəyişdirilməsini istəyib. Ancaq 1 saylı Bakı İnzibati-İqtisadi məhkəməsi onun şikayətini təmin etməyib. Bundan sonra erməni əsilli qadın Bakı Apellyasiya Məhkəməsinə müraciət edib. Mart ayının 28-də hakim Afaq Nuriyevanın sədrliyi ilə Babayeva (Varaqyan/Ağayeva) İrana Telmanovnanın şikayətinə baxılacaq. 

Qeyd edək ki, bu qadın 2015-ci ildə Nəsimi rayon Polis İdarəsini və AR Dövlət Miqrasiya Xidmətini məhkəməyə verərək Azərbaycan Respublikasının vətəndaşının şəxsiyyət vəsiqəsi ilə təmin edilməsi iddiasını irəli sürüb və məhkəməni udub. Məhkəmənin qərarı əsasında Babayeva soyadı ilə təmin edilərək şəxsiyyət vəsiqəsi alıb.