Nigerdə bazara hücum
Boko Haram qruplaşmasının nümayəndələri Nigerin Nigeriya sərhədinə yaxın Diffa bölgəsindəki Tummur bazarına silahlı hücum təşkil ediblər.
“Ölkə.Az” xəbər verir ki, hücum nəticəsində 5 nəfər ölüb, onlarla yaralı var.
Hadisə şahidləri kütləyə atəş açan silahlıların avtomobillərlə hadisə yerindən uzaqlaşdığını bildiriblər.
Qeyd edək ki, 2009-cu ildən bu yana Boko Haram qruplaşmasının Nigeriyada təşkil etdiyi silahlı hücumlarda 20 mindən çox insan öldürülüb. Qruplaşma 2015-ci ildən bu yana qonşu ölkələr – Çad, Niger, Kamerun və Benində də hücumlar təşkil edir.
Ölkə.Az
