Binəqədi rayonunda 27 yaşlı oğlan yol qəzasının qurbanı oldu
Hadisə Mehdiabad-Binəqədi yolunda qeydə alınıb.
“Ölkə.Az”a verilən məlumata görə, Quliyev Vüsal Ümidvar oğlu idarə etdiyi “Opel Zafira” markalı avtomobillə yolu keçmək istəyən 1991-ci il təvəllüdlü Heydərov Məqsəd Məhərrəm oğlunu vurub. Qəzaya düşən şəxsin xəsarətləri ağır olduğundan hadisə yerindəcə dünyasını dəyişib.
Faktla bağlı Binəqədi RPİ-nin İstintaq Şöbəsində cinayət məcəlləsinin 263.2-ci maddəsi ilə cinayət işi başlanıb. Sürücü istintaqa cəlb olunaraq izahatı alınıb, avtomobil cərimə meydançasına yerləşdirilib
