Vladimir Putin: “Kemerovo faciəsinin səbəbi səhlənkarlıq və tənbəllikdir”
Rusiya prezidenti Putin Kemerovo şəhərindəki “Qış albalısı” ticarət mərkəzində 64 nəfərin ölümünə səbəb olan yanğını şərh edib.
“Ölkə.Az” xəbər verir ki, Putin faciənin tənbəllik və səhlənkarlıq ucbatından baş verdiyini bildirib.
“Nə baş verir, bu, hərbi əməliyyat deyil. Bu qəflətən şaxtada metan qazının sızması deyil. İnsanlar, uşaqlar istirahət etməyə gəliblər. Biz demoqrafiyadan danışırıq və bu qədər insanı niyə itiririk? Bunun səbəbi tənbəllik və səhlənkarlıqdır”, - deyə Putin qeyd edib.
Qeyd edək ki, Putin bu gün səhər saatlarında Kemerovoya uçub və dərhal faciə baş verən əraziyə yollanıb.
Hikmət Həsənov
Ölkə.Az
