NATO Rusiyanın nümayəndə sayını azaldır
NATO-nun baş katibi Yens Stoltenberq bəyan edib ki, alyans Rusiyanın qurumdakı nümayəndə sayını 30-dan 20-ə endirmək barədə qərar qəbul edib.
“Ölkə.Az” xəbər verir ki, NATO bununla da “Skripal işi”nə reaksiyasını ortaya qoyur.
“NATO Şurası Rusiyanın alyansdakı nümayəndə sayını 10 nəfər azaldır. Bu, o mənaya gəlir ki, Rusiyanın NATO-dakı əməkdaş sayı 20 nəfər olacaq”, - deyə Stoltenberq bildirib.
Baş katibin sözlərinə əsasən, NATO bununla Rusiyaya bildirmək istəyir ki, təhlükəli fəaliyyətlərdən əl çəksin və Solsberidə baş verən əmələ görə cavab versin.
Bununla belə, Stoltenberq bəyan edib ki, bu qərar, alyansın Rusiyaya qarşı siyasətini dəyişmir.
Rusiyanın XİN rəhbəri Sergey Lavrov bəyan edib ki, Rusiya Qərb ölkələrinin hərəkətinə cavab verəcək.
Hikmət Həsənov
Ölkə.Az
