Səudiyyə Ərəbistanı şahzadəsi BMT-yə 930 milyon dollar bağışladı
Səudiyyə Ərəbistanının vəliəhd şahzadəsi Məhəmməd bin Salman BMT-nin baş katibi Antonio Quterres ilə görüşüb.
“Ölkə.Az” xəbər verir ki, görüşdə Səudiyyə və BƏƏ tərəfindən BMT-nin Yəmənə humanitar yardımlarını dəstəkləmək üçün 930 milyon dollar bağışladığı məlum olub.
Görüşdən sonra şahzadəni müşayət edən Səudiyyə Ərəbistanının xarici işlər naziri Adil əl-Cubeyr jurnalistlərin suallarını cavablandırıb.
Görüşü müsbət qiymətləndirən nazir Səudiyyə və BƏƏ-nin Yəmənə edilən humanitar yardımları dəstəkləmək üçün 930 milyon dollar bağışladığını bildirib.
Hikmət Həsənov
Ölkə.Az
