“KamAZ” yolu keçən qadının həyatına son qoydu
Sabunçu rayonunda qadın yol qəzası nəticəsində dünyasını dəyişib.
“Ölkə.Az”a verilən məlumata görə, Musayev Zaur Kondisar oğlu idarə etdiyi “KamAZ” markalı yük avtomaşını ilə yolu keçmək istəyən Salahova Cəmilə İsmayıl qızını vurub. Nəticədə qadın hadisə yerindəcə keçinib.
Hadisə yerinə gələn rayonun hüquq-mühafizə orqanlarının əməkdaşları ilkin müayinələr aparıblar, sürücünün izahatı alınıb və yük avtomobili cərimə meydançasına yerləşdirilib.
Faktla bağlı Sabunçu RPİ-nin İstintaq Şöbəsində cinayət məcəlləsinin 263.2-ci maddəsi ilə cinayət işi başlanıb, müvafiq avtotexniki ekspertiza təyin edilib.
