Həkim səhvi vətəndaşı şikəst etdi

“Ölkə.Az”a verilən məlumata görə, Nəbiyeva Rəfiqə Hacıbala qızı Nərimanov rayon məhkəməsinə müraciət edərək bildirib ki, 4 saylı Şəhər Poliklinikasının terapevt cərrahı Hüseynov Azad Əli-Abas oğlu onu müalicə etdikdən sonra sol əlinin 2 barmağı işləmir. Bununla bağlı qadın 37 min manatlıq mənəvi, 10 min ABŞ dollarlıq isə maddi ziyan iddiası qaldırıb. Qadının iddiasını 1-ci instansiya məhkəməsi qismən, yəni ümumilikdə 2000 manat civarında təmin edib. Ancaq Bakı Apellyasiya Məhkəməsi həmin qərarı ləğv edib. 

Ali Məhkəmə isə qadının iddiasını qismən təmin edərək işi yenidən baxılması üçün Bakı Apellyasiya Məhkəməsinə göndərib. Mart ayının 30-da hakim Elşən Kazımovun sədrliyi ilə növbəti proses keçiriləcək. 

Baş tutacaq məhkəmə prosesinə münasibət bildirən cavabdeh həkim Azad Hüseynov onda heç bir günahın olmadığını bildirib: 
“Mən onun sol əlinin 3 və 4-cü barmaqlarına gips qoymuşam, bir neçə gündən sonra gəlib ki, gips qoyduqdan sonra barmaqlarımın sinirləri işləmir. Mən də onu Travmatologiya İnistitutuna göndərmişəm. O isə müalicəsinin Türkiyədə olduğunu deyir və müalicə üçün 10 min ABŞ dolları tələb edir. Mənim bu işdə heç bir günahım yoxdur.